CERTAME LITERARIO XX EDICIÓN

Se queres ver os nosos traballos, pica en...

Narrativa e poesía

CELEBRAMOS O DÍA DAS LETRAS GALEGAS

    DECORAMOS UN RETRATO  EN GRAN FORMATO DA AUTORA

Cada neno debuxa un retrato pequeniño de María Victoria Moreno,  e decoran os marcos o mellor posible.   Estes retratos conformarán o marco do retrato en grande da autora, que pintarán algúns nenos e nenas.

Este expoñémolo no ximnasio, onde celebramos o acto de homenaxe .

No acto que nós celebramos, ademais de a María Victoria Moreno, tamén recordamos a Manuel María, porque se cumpren os 50 anos da publicación da súa obra Os soños na gaiola.  A música e a poesía van unidas, así que tamén cantamos unha canción de Batallán (  No niño novo do vento, un poema de Cunqueiro). Para rematar o acto, cantamos todos o Himno Galego.

En primeiro lugar, un grupo de alumnos de 6º preséntannos a María Victoria Moreno, a través dunha pequena dramatización.



Posteriormente, as nenas e nenos de 2º realizan unha  dramatización  a partir da adaptación da obra de María Victoria Moreno Eu conto, ti cantas.

 O alumnado de 3º e 5º recitan uns poemas da obra de Manuel María, Os soños na gaiola, e cantan unha canción.

 Consideramos que falar e escribir en galego é a mellor homenaxe que se lle pode facer a aqueles escritores que tamén  utilizaron e amaron a nosa lingua. Xa levamos vinte anos celebrando un Certame Literario, e agardamos seguir outros vinte anos máis polos menos…. Os nenos de 6º, que para o curso que vén xa estarán no instituto,  son os encargados de entregar os agasallos aos alumnos premiados polo seu conto, debuxo, banda deseñada, poesía ou monográfico.

Finalmente, cantamos todos o Himno Galego. Toca a gaita Ana, a mestra de E.Física.

PROXECTO "LENDARIO"

XOGA CO NOSO ESCORNALENDA

Panel do escornalenda debuxado polo alumnado de 3º

REGRAS DO XOGO:

1. O primeiro xogador debe posicionar o escornabot no trasno e de aí dirixirse cara a casiña que representa o desorde.


2. O segundo xogador pode comezar no personaxe que desexe e, desde aquí á casiña que lle corresponda segundo a lenda.


3. Cando se complete unha parella, pode irse a un novo personaxe.


4. Mentres estea xogando calquera un deles, o contrario pode atrancarlle o camiño coa tarxeta do trasno, de xeito que pode verse obrigado a modificar a traxectoria.


5. A cada xogador correspóndelle unha tarxeta do trasno.


6. O xogo remata cando se complete o taboleiro.

MARÍA VICTORIA MORENO

RETRATOS DA ESCRITORA

  Estamos preparando un retrato en gran formato de María Victoria Moreno, para expoñer o vindeiro mércores, 16 de maio, cando celebremos un acto de homenaxe a esta escritora

 Para iso, todo o alumnado do centro, debuxou un retrato pequeniño desta autora. Todos xuntos, conformarán o marco do retrato en gran formato de María Victoria, que colorearon tamén os nenos.

 

Para coñecermos mellor a figura da escritora homenaxeada este 17 de maio, podemos informarnos nestes enlaces:

• No portal da Lingua Galega: http://www.lingua.gal/o-galego/promovelo/dia-das-letras-galegas


• Nas actividades realizadas polo Seminario Galán: wwseminariogalan.org


• Poema musicado por Fuxan os Ventos para festexar as Letras Galegas 2018: https://youtu.be/t8caJVBVGQY


• Liña do tempo sobre a homenaxeada: http://www.edu.xunta.gal/centros/iessanpaio/node/1891

 

 

 

CARBALLIÑOS...

O alumnado de E.Infantil de 5 anos, 2º A,  2ºB e 3º plantou unhas  landras en botas ou zapatos vellos no mes de decembro, despois de leren na  clase o conto de O carballo con botas, de Anxo Moure.

 Agardamos con moita paciencia a ver se agromaba algo, e,  por fin, xa naceron algúns carballiños. Outras landras continúan durmindo  dentro das botas, pero aínda temos a esperanza de que esperte algunha máis.

Tamén plantamos bulbos de tulipáns e de xacintos a finais de novembro e agora están en flor.