Especial, sexto

IMOS DE CORENTENA! Na casa temos que estar porque os contaxios poden aumentar. Tod@s nos quexamos por non poder saír, pero é polo noso ben e do país. Botamos de menos a toda a clase, Xa que as súas tonterías son parte da equipaxe. Por culpa deste coronabicho non podemos ir de excursión, o noso último ano… Que depresión!!!! O certame literario non podemos celebrar tod@s xuntos no ximnasio, como era de esperar. Agora será virtual coma os nosos videoxogos aos que nos gusta xogar. Moito durmín e comín, por iso todos os días saio ao xardín, xogar coa miña cadela e facer unha “voltereta”. Todo o que atopei por diante pintei, o rotulador acabouse e a paciencia da miña nai tamén. Todos botamos de menos a un ser querido. Eu boto de menos ao meu mellor amigo. Xa estou desexando que se remate esta corentena , e así poder esquecer toda esta faena. No futuro isto será como unha mala época, pero nos libros aparecerá como a máis longa corentena. Sei que isto logo vai rematar, e moi ledos á escola voltaremos para estudar. Laura 6º OS CAMBIOS NA NATUREZA Observando o exterior, despois de hai máis de corenta días dende que deixamos de ir ao cole pola epidemia do coronavirus, vexo que neste tempo houbo cambios nas nosas vidas e tamén na natureza que está máis viva ca nunca. Cando empezamos o confinamento aínda era inverno e moitas árbores non tiñan follas; agora xa é primavera e teñen as pólas cubertas. Algunhas froiteiras teñen flores e mesmo froitas aínda verdes. Os campos e os xardíns están adornados con milleiros de flores de cores. Tamén notei que os paxariños cantan moito máis. Andrea MEU AMIGUIÑO GOLFIÑO Ía no meu barquiño de papel, navegando nas ondas do mar estaba a ser un cascabel e a piques de naufragar. Eu berraba e pensaba que ninguén me escoitaba de súpeto apareceches, e a rescatarme viñeches. Por iso golfiño, cando volva navegar, sempre te hei de lembrar como o meu amiguiño. Eloy

Os máis pequenos contan!

Aínda que este curso non se vai celebrar o Certame Literario, o noso alumnado continúa escribindo os seus contos na casiña, coa axuda das súas familias. A mellor homenaxe que podemos  facer aos escritores que escribiron na nosa lingua, é falar e escribir en galego. Mentres o fagamos, a lingua que falaron os  nosos devanceiros seguirá viva.

Velaí vos van algúns contiños das nenas e nenos de primeiro e de 6º de Infantil.

 

O MAR VOLVEUSE NEGRO

Un día caeu moito petróleo no mar. Os peixes estaban moi asustados porque non sabían o que estaba sucedendo. Todos corrían. Os máis grandes axudaban aos  máis pequenos.

Unha tartaruga dixo: “O petróleo é moi perigoso para a saúde”.

Os peixes marcharon todos para un mar limpo. Unha vez a salvo, fixeron unha festa para celebrar que todo saíra ben.

Irene 1º

O CRAVO FAI AMIGOS  . 6º E.Infantil

     

                                                                       

 O POLBO TAXISTA

Ola! Son un polbiño. Non o ides crer! Son un polbo taxista.

Quérovos contar unha historia de amizade:

Ía pola estrada cando de súpeto… pum, pum, pum! Estoupoume unha roda! Cos aforros que tiña, arranxeina. Un amigo díxome que podería seguir traballando de taxista e así conseguir máis cartos.

Alejandro 1º

[gallery ids="626,629,630" type="rectangular"]

Debuxos 4º Infantil

O DRAGÓN BO

Uns nenos estaban xogando ao fútbol, cando, de súpeto a pelota foise cara uns arbustos, onde estaba un dragón.

Un dos nenos foi buscar a pelota e viu ao dragón. Entón foi xunta un  amigo e contoulle: “Vin un dragón”!

O amigo foi mirar e díxolle: “Aquí non hai ningún dragón. É mellor que vaias para a túa casa”.

O neno dixo: “De acordo”.

Camiñaba pola beirarrúa e viu de novo ao dragón. Díxolle enfadado: “Para de me perseguir. Xa abonda”.

Cando o neno foi moito maior púxolle o nome de Bo ao dragón e fíxéronse amigos. Sobre todo xogaban a chimpar a pelota.

Natalia

A SEREÍÑA ATRAPADA . 6º E.Infatil

O VERÁN

Había unha vez un neno ao que lle encantaba o verán. Gustáballe moito ir á praia e desfrutar da mar. Xogando con  minipeixes  e coa area pasaba os días.

Unha vez atopou unha estrela de mar. Estaba media morta e coa axuda da súa nai metérona nun caldeiro con auga de mar e reviviu.

Despois, o neno, colleu a estrela e ceibouna no mar. E así, un día tras outro, o verán ía pasando e o neno desfrutando de cada aventura que se lle presentaba.

Daniel

OUTRO DÍA DE CHUVIA

Sara mira pola fiestra e quéixase:

- Que rabia! Hoxe tamén chove a caldeiros…

-A este paso- murmura o seu irmán Miguel sen saír da cama- ímonos converter en peixes…

Sara pestanexa.

-É certo que leva moitos días chovendo, pero por máis que o intento non me imaxino convertida en peixe. En peixe non! Mellor en serea que son moito máis bonitas!

Miguel ri, cobre a cabeza coas sabas e di:

-Espértame cando che comecen a saír escamas!...

Mateo 1º

[caption id="attachment_639" align="alignnone" width="1108"] Uxía, 2º[/caption]

DÍA DAS LETRAS GALEGAS

O martes 16 de maio, celebramos o Día das Letras Galegas, homenaxeando a Carlos Casares. O alumnado de 6º, explicounos o significado deste día,  fixo un percorrido pola  vida do autor e encargouse tamén da entrega dos premios aos nenos e nenas premiados no  Certame literario. Parabéns a todos os que participaron!

Aproveitamos tamén este día para recordar a figura de  Eduardo Pondal, o bardo bergantiñán, do que este ano se cumpren os cen anos da súa morte. Ao remate do acto, o alumnado de 6º bailou unha muiñeria, e,  finalmente todos cantamos o Himno Galego.

Se estades interesados en coñecer os traballos que se realizaron sobre A GALIÑA AZUL, unha das obras de Carlos Casares, visita o blogue da biblioteca do centro.

Certame literario do centro

O EDLG promove desde hai dezaoito anos ininterrumpidamente un certame literario no que te animamos a participar. Se che gusta escribir contos, debuxar, a poesía, realizar pequenas investigacións sobre un tema específico...Anímate a participar! Mándanos as túas producións!

Consulta as bases