Entroido

O alumnado do primeiro curso de educación primaria investigou sobre o entroido nos diferentes lugares de Galicia, deixando unha mostra do seu traballo no corredor. Que viva o entroido galego!!!

Día escolar da non violencia e da paz

Dende o CEIP Canosa-Rus dicimos NON á guerra. SI á paz.

Viaxamos por Galicia!!

No marco do noso Proxecto Documental Integrado (PDI), que leva por título "A volta ao mundo", propuxemos unha pequena actividade de investigación sobre unha viaxe que fixera o noso alumnado por Galicia. Nestas fichas fálannos sobre un lugar que visitaran: concello, provincia, lugar destacado e que foi o que máis lles gustou. Tamén inclúen unha fotografía. Os traballos están exportos no corredor do primeiro andar do colexio. Máis adiante recollerémolos e faremos un libro con eles, que expoñeremos o día do produto final do PDI. Grazas a todos/as pola vosa colaboración!!

Enreguéifate!!

O pasado venres, 17 de novembro, os alumnos e alumnas de 5º e de 6º curso tiveron un Obradoiro de Regueifas, que nos ofreceu o Concello de Carballo dende o Servizo de Normalización Lingüística. Os profesionais regueifeiros, Lupe Blanco e Josinho da Teixeira, fixéronnos pasar un tempo moi divertido no cal aprendemos moito sobre esta parte tan importante da nosa cultura. O alumnado fixo as súas propias regueifas e gozaron de mostrarllas ós/ás demais compañeiros/as. Sen dúbida foi un obradoiro moi produtivo!!

Magosto 2023

Moi boas a todas e a todos!!! Este ano celebramos o Magosto baixo teito, debido á choiva, pero non por iso deixamos de pasalo xenial. Xogamos a diversos xogos tradicionais e fixemos figuras con elementos do outono que troixemos das nosas casas. A temática destas figuras do Land Art eran os medios de transporte, xa que este ano o Proxecto Documental Integrado do centro é A Volta ó Mundo. Despois comemos as castañas que Rosa nos preparou na cociña con moito cariño. Velaquí vos deixamos algunhas imaxes para que vexades o ben que o pasamos!!

CONCURSO DE PODCAST "O VELLO DOS CONTOS"

Os nenos e nenas de 6º participaron este curso no concurso de PODCAST "O VELLO DOS CONTOS". Aquí podedes escoitar as súas creacións. https://drive.google.com/file/d/1649jaOangQsxervJzJS1muXTqE9p6Ybf/view?usp=drive_link INFORMANDO DESDE RUS https://drive.google.com/file/d/1Fy267TRPNIyR8l7lTfSA_Ffb5L9M2HeE/view?usp=drive_link O BAR https://drive.google.com/file/d/16UYzIpJtfijWwsi_4OSZpJz6eUs9-wGU/view?usp=drive_link O CONCURSO https://drive.google.com/file/d/1yj_Mxm63nqnTT6COnqLwJauvEWJiMB_3/view?usp=drive_link UN PASEO POLO CANOSA

LETRAS GALEGAS 2023 NO COLE!

Que bonito foi o día 16 de maio. Este ano estivo adicado a Francisco Fernández del Riego, Don Paco.Para homenaxealo, fixemos toda unha foliada no patio traseiro que coincidiu coa entrega de premios do noso certame literario 2022- 2023. Foi unha tarde moi divertida, pasámolo xenial. Aquí podedes ver algunhas fotos.