O 20 de marzo achegouse a nosa biblioteca, o escritor Antonio García Teijeiro, que ten unha ampla produción literaria. O poeta recibiu numerosos galardóns. O máis recente foi o PREMIO NACIONAL DE LITERATURA INFANTIL E XUVENIL pola súa obra Poemar o mar, que leron os nenos de 3º. Os de 4º desfrutaron de Un rato díxolle a lúa, os de 5º leron Os peixes de cores, e os de 6º, aproveitando que estamos traballando sobre a temática de mitos e lendas, mergulláronse en Lendo lendas, digo versos. Este último libro, escribiuno co seu amigo Antonio Reigosa, gran coñecedor da mitoloxía galega.
Teijeiro, soubo conquistar á rapazada nada máis entrar pola porta da biblioteca. Eloxiou as poesías e outros traballiños cos que o recibimos e gustoulle o recitado dalgúns voluntarios.
El tamén nos presentou a Hororato, un rato poeta que vive na biblioteca da súa casa e a Maaartiño , un mariñeiro que sacou da súa maletiña….
Por último, asinoulle os libros a todos os nenos e respondeu ás preguntas que lle formularon catro pequenos xornalistas de 5º e 6º na nosa flamante radio CANOSA ONDA.
Ningún comentario:
Publicar un comentario